Eirûk vanga sorkarin a hremte hre châk

PRISM chuan thuchhuah siamin, Chief Minister-in kum 9 chhungin eiruk kaihhnawihah sorkar hnathawk mi 1,500 chuang hrem an nih thu a sawi lai a, mipuiin eirûk hmang nia an hriat, eirukna lian thama mawhphurtute an hrem thu mipuiin an hre si lo chu mak an tih thu an tarlang a, "Sorkarin a hremte hi tute nge kan hre châk hle," an ti.

Ram hmasawnna tiṭhuanawptu eiruk hmangte chu mipuiin hrem an duh nia sawiin PRISM chuan, "Dik taka dan lekkawh a, a zung chawpa eirukna hi phawia pho ro a ṭul tak meuh a, a ṭang tênau tê tê chauh hlawi ngam ṭâwk sorkar hnuaiah eirukna hi a tlahniam thei lo," an ti a; eiruk vanga sorkarin a hrem mi 1,500-te chu tute nge an nih mipui min hrilh chiang se an duh thu an sawi.