Hnathawh zahthlak lohzia entir

Chhinga Venga Congress party hmeichhe pawl, Mahila-te chuan nimin khan kut hnathawh uar inzirtirna leh hna thawh a zahthlak lohzia entir nan MIZOFED pump leh a bul velah hnâwmhnawk an tihfai bakah, lirtheite a thlawnin an tihfaisak a; he hun hi an bialtu MLA, minister Lalsawta'n a hmanpui.

Lalsawta chuan, lehkhathiam lo ram dang mite pawhin an chhungkaw châwm nan Mizoram chu eizawnna hmun ṭhaah an ngai a, eng hna pawh thawh huamin an lo lut ṭhin tih a sawi a; Mizote chu an theih ang tâwk leh phak tawkah mahni intun dinna khawp thawh tur chu a awm tih hria a, eng hna pawh thawk hreh lo turin a chah a ni.