Chief Minister hovin Chite lui humhalh dan tur rêl

Save Chite Lui Executive Committee chu nimin khan an chairman Zoramthanga, chief minister hoin a pisaah an ṭhukhawm a, Chite lui humhalhna atana hmalak mek chungchang an sawiho.

Ṭhutkhawmah hian Bawngkawn leh Durtlang inkar khàm pangpèr, Bawngkawn Presbyterian Kohhran biak-in chhak lama ngaw leh thing hmun chu a cherêu tial tial thu an sawi a; Chite lui hnár a nih avangin humhalh dan tur sawihoin, rawtna bulfûk zawk nen la sawiho leh turin an dah.

Aizawl by-pass road laih tur leh lei verhin Chite lui a khawih theih dan tur sawiho a ni a; Save Chite Lui Committee leh Mizoram PWD-in Reieka plastic road an siam chu hun remchang hmasaah CM hoa hawn an rél bawk.