State ramri buai chungchangah Mizoram leh Assam inbe dawn

Mizoram sorkar leh Assam sorkar palaite chu state ramri buai chungchangah vawiin hian chawhnu dar 2:30 ah Aijal Club-ah an inbe leh dawn a, inbiak zawhah a huhoin thuthar thehdarhtute an kâwm nghal ang.

Assam Border Protection & Develop­ment minister Atul Bora leh Assam sorkar rawtna angin Mizoram sorkar aiawhte leh Assam sorkar aiawhte chu vawiin hian an inbe dawn a ni. Inbe tur hian Atul Bora bakah, Housing & Urban minister Ashok Singhal, Border Secretary leh Border Minister assistant pahnihte vawiin hian an rawn zin dawn a; Mizoram lam chu Home minister Lalchamliana'n a ho dawn a ni.

Ruahman dan chuan, Assam team chu vawiin chawhma dar 10:45-ah Aizawl an rawn thleng ang a, zan khat riakin, August 10 chawhnu dar 2:55-ah Aizawl an chhuahsan leh ang.