MGNREGS hnuaia hma-lakna thlirho

State Employment Guarantee Council chu chu nimin khan an chairman R Lalzirliana, Rural Development minister hoin Aijal Club-ah an ṭhukhawm a, MGNREGS hnuaia hmalakna hrang hrangte an thlirho.

Meeting-ah hian, VEC ṭhiah a nih thulhah a thuneihnate BDO/Programme Officer emaw, Advisory Committee hnena hlan chhawn dan tur kalphung te, kum 2014-a SEGC Meeting-in Material Sharing Component a lo ruahman tawh (DRDA – 40%; BDO – 40%; VEC – 20%) ennawn te, Mizoram MGNREGS 2014 Section 31 hnuaia 1% labour cess lak tur tih dan awm (a taka hman loh) chu ministry aṭanga July 18, 2016-a lehkha lo thlengin a rawn tihtawp avangin, inkaihhruaina siamṭhatte leh, Social Audit Unit Annual Report-te sawiho a ni.

Kum 2016-17 chhung khan MGNREGA atan sorkar laipui aṭanga sum hmuh chu cheng nuai 14451.26 a ni a, state matching share chu cheng nuai 349.001 a ni. Kumin sorkar kumah hian first tranche atan instalment hmasa ber tur chu sorkar laipuiin April 2017 khan Mizoram tan cheng nuai 13449.09 a tichhuak a, chu chu May 8 khan district tinah sem chhuah a ni.