KHAWTHLIR

Education Campaign
Central YMA hruaitute chuan YMA Rorel Inkhawm 2016 in a thu pass 'Central Service-ah Mizote tam zawk an luh theih nan Central YMA-in hma la rawh se' tih bawhzuina atan team hrang hrangah insiamin, June 19-27, 2019 chhungin Aizawl khawpui chhunga higher secondary school hrang hrangah 'Education Campaign' an buatsaih.

Tlân phal lo
Traffic SP C Lalthanmawia chuan thupek chhuahin, Dinthar Veng - Kanan Veng via Dawrpui Vengthar Joint YMA Field kawngpui chu Vaivakawnah a bal avangin chetsual a hlauhawm thu a tarlang a, "Mipui leh lirthei hmangtute him zawn nan kawngpui hi siam ṭhat anih a, a him hma chu lirthei tlân tlang phal a ni lo," a ti.

Police workshop
Amway India chuan nimin khan 3rd. MAP khelmualah Aizawl police-te tan Health & Wellness Worshop an buatsaih a, DGP Thiang-hlima Pachuau-in a hawng. Workshop-in a tum chu, Mizoram police-te hriselna atana
ṭangkai ei tur leh insawizawina lam zirtir a ni a, police 300 velin an chhim a ni.

Florist training
Florist Association leh Horticulture departement, Kolasib ṭangkawp chuan nimin khan Center of Excelency Hall, Thingdawl-ah training an buatsaih a, training-ah hian Aizawl leh Kolasib aṭangin Florist Association member mi 80 vel an tel a, Kolasib DHO Lalthlamuana'n a hman pui.

Orientation prog.
Lunglei RD Block chhunga Village Level Child Protection Committee-te tan YMA Sub-Hqrs Conference Hall, Lungleiah nimin khan orientation programme buatsaih a ni a; protection officer (IC) PC Laldingpuii, counsellor Jennifer Zonunfeli leh Lunglei chief judicial magistrate Julie Lalrinzami ten thupui hrang hrang hmangin kalkhawmte an zirtir.