UPSC member-ah Mizo dah turin MP-in President Murmu a ngen

Rajya Sabha MP K Vanlalvena chuan August 8, Thawhṭanni khan Presi­dent thar Droupadi Murmu chu a pisaah a kâwm a; Union Public Service Commission (UPSC) member-ah Mizo pakhat tal dah ve turin a ngen.

K Vanlalvena chuan, India zalenna champha kum 75-na leh Mizoramin state a hmuhna kum 35 hnuah leh, Mizoram chu India rama ziak leh chhiar thiam percentage sang ber pakhat a ni chunga UPSC member atan Mizo ruat an la nih ve ngai loh thu a sawi a; post pathum ruak mek a awm thu sawiin, post ruakah hian Mizo pakhat tal dah ve turin President chu ziak leh ṭawngkain a ngen a ni.

National Commission for Schedule Tribe chair­man post leh member post ruak mekte pawh Mizote'n luah ve an phûa a hriat thu leh Mizo zingah governor an la awm loh thute a sawi bawk.

President Droupadi Murmu chuan, Mizoram Lok Sabha MP thu thlente chu Prime Minister hnen­ah thlena sawipui a tum thu a lo hrilh niin sorkar thuchhuahin a tarlang.

MP K Vanlalvena hian President hnenah hian Mizo puan a hlân a ni.