Thla li chhungin mi 23,009-in Sahuan an tlawh

Aizawl Sahuan (Zoo­logical Park) chu April 1, 2022 aṭanga July 31, 2022 thleng khan mi 23,009-in an tlawh a, tlawhtute aṭang­in Rs 3,71,210 hmuh a ni.

Thu dawn danin, financial year kal meka thla li chhungin Aizawl Sahuan hi mipui tlawh theih turin ni 107 hawn a ni a, tlawhtu puitling (kum 10 chung lam) mi 14,824 leh kum 10 hnuai mi 8,185 an awm a, an vaiin mi 23,009 an ni.

Aizawl Sahuana luh man (entry fee) aṭangin Rs 2,96,480, lirthei 5,402 dah (parking) man aṭangin Rs 71,330, camera 66 ken luh man aṭangin Rs 33,00 leh video camera pakhat ken luh man aṭangin Rs 100 an hmu tawh a; thla li chhunga an sum hmuh zawng zawng chu Rs 3,71,210 a tling.

Vanglaini thu dawn danin, Aizawl Sahuanah hian ramsa chi hrang 61 awmin, an vaiin ramsa 431 an awm mek a; State Board for Wildlife pawmpuinain sahuan hmunhma zauh tuma hmalak mek a ni a, zauh dan tur a hmuna enfiah turin August 19, 2022 hian Joint Survey Team-in an tlawh dawn a ni.