Kum khatah gas bûr 12 atan subsidy

Food, Civil Supplies & Consumers Affairs (FCSCA) department chuan, eirawngbawlna gas (LPG) lâkna aṭangin kum khatah mi pakhatin gas bûr 12 atan chauh subsidy an dawng thei tih nimin khan an tarlang.

FCSCA chuan, tunlai hian Mizoram hmun hrang hrangah LPG subsidy lut lo avanga harsatna tâwk tam tak an awm nia hriat a nih thu a tarlang a, "LPG subsidy hi IOC emaw, LPG distributor emaw thuneihna ni loin, Ministry of Petroleum & Natural Gas hnuaia India ram puma LPG subsidy buaipuitu National Payment Corporation of India-te kutah a awm. Mizo mipui harsatna tawh mek hi ziakin FCSCA department chuan a thlen tawh," an ti.

Mipuiin ṭha taka sub­sidy an hmuh theih nan phone number, LPG connec­tion leh Aadhaar number-te an bank account nen an thlun zawm a ngai tih tarlangin FCSCA chuan, "Hetiang a nih loh chuan subsidy a lut thei lo. Gas connection kan neihna distributor-ah KYC hmangin kan document-te hi kan update ṭhin tur a ni. Kan bank account a che reng (active) tur a ni a, hei hi bank lamah enfiah fo a ṭha," an ti a; subsidy chu mi pakhatin kum khat chhungin gas bûr 12 atan chauh dawn theih a nih thu an tarlang bawk.