Agri. Minister-in thlai thar dan a en

Agriculture minister C Lalrinsanga chuan August 8, Thawhṭanni khan Saitual district chhung, Sihfa khuaa Mualkhang zàu a tlawh a, Agriculture department hmalakna leh thlai thar hralh dan a en.

C Lalrinsanga chuan, kut hnathawktute'n an thar chhuahte man tlâwm têa an deh ral lai a, khâr chhawngtute'n a lêt deuh thaw hlêpa an hralh leh ṭhin chu a vei thu sawiin, "Kut hnathawktute'n an thawh hah phúa an chanvo dik tak an chan theih nan sorkarin ngaihtuahna a sêng a ni," a ti a; vegetable supply chain an ngai pawimawh a, an bawhzui zel dawn thu a sawi.

Sihfa khuaa chhungkaw 250 vel zinga 120 vel chuan kum khatah thlai thar hralhna aṭangin cheng nuai 40 vel an hmu ṭhin a ni.