Geologist rawihna hniam ber Rs 10,000

Geological Society of Mizoram chuan nimin khan Zirtiri Residential Science College, Durtlang Leitanah General Body Meeting vawi ngana an hmang a; AMC Site Development & Slope Regulations hnuaia geologist-te lawmman an bithliah a, inrawihna hniam ber Rs 10,000 ni turin an rél.

Inkhawmah hian GSM member zinga Ph.D. nei mi 10 bakah, NET leh GATE paltlang mi pathum, Remote Sensing/ GIS zir chhuak mi pali leh B.Ed. zo mi 20 hnenah lawmpuina hlan a ni. Mizo zinga UPSC-a geologist tling awm chhun, Priscilla Rinmuanpuii Chawngthu-in fuihna thu a sawi.

Khuallian Higher & Technical Education minister Dr R Lalthangliana chuan, in leh lo din tur leh himna turin geologist-te thuràwn leh an thu awih a pawimawh thu a sawi.

Geological Society of Mizoram president Dr J Malsawma'n fuihna thu a sawi bawk.