Document pekah fîr a ngai - CYMA Vice President

YMA, Zawlbuk Group chuan nimin khan Thingsulthliah community hall-ah YMA kumpuan 'Ram leh hnam humhalh' tih thupui zirhona an buatsaih a, Central YMA vice president Lalhmachhuana'n hmanpuiin, document pek chhuahah fîr taka kal a ngaih thu a sawi.

CYMA Kumpuan Sub-Committee chairman ni bawk Lalhmachhuana chuan, document pek chhuah kawngah hnam tana pawi thei thil a awm theih avangin fîr taka kalpui a ngaih thu a sawi a, "Sumdawnnaah hnam dang el pha turin dawr nuamin teirei peih ila, mahni Mizopui ngei dàwr chíng ila, hnam dang sumdawngte'n phalna an nei em tihte chîk ila, thîkthu i tichhia ang u. Hnam dang thurualpui záwnga sumdawnna hi hnam hralhna a ni," a ti.

'Ram leh hnam humhalh seminar' hi Zawlbuk Group YMA vice president PC Lalbiakchama'n a kaihruai a; kumpuan thupui bakah, faina, tuihna humhalh leh ruahtui khâwl chungchangte zirho a ni. Group YMA-in tuihna humhalh leh ram leh hnam humhalh tih thupui hmanga essay inziahsiak a buatsaih result puana lawmman sem a ni bawk.