Champhaiah hri vangin vawk 88 an thi tawh

June thla tìr aṭanga Champhaia vawk hri lêng vanga vawk thi zat chu 88 a tling tawh.

Champhai District Vawk Vulh Association hruaitute sawi danin, vawk chán hnem ber Lalengthanga, Bethel Vengin vawk 15 a chán tawh a ni.

Champhaia vawk hri lêng hi a hmuna thil awm dan zir chiang tur leh vawk thi tawhte thisen leh taksa them la turin AH&Vety department chuan ran doctor pathum - microbiologist leh pathologist-te a tìr tawh. Vety doctor-te hian vawk damlo thisen chauh an la thei a, a taksa them lak tur an hmu zo lo.

AH&Vety hotute chuan, vawk damlo thisen an lak chu enfiah turin Selesiha Vety College laboratory-ah an thawn tawh a, result pawh hriat ni tawhin, vawk hri lêng chu PRRS a ni lo tih an sawi.

Champhaia vawk vulhtute chu hri leng vanga vawk thi a awm apiangin AH&Vety lam hriattir zel turin an ngen.