Online gas refill booking inhrilhfiah

Lunglei DC pisa con­ference hall-ah nimin khan Lunglei district-a online-a gas refill book­ing kalpui dan tur rêl a ni. Meeting hi Lunglei additional DC John Ṭan­puia'n a kaihruai.

Meeting-ah hian Lung­lei DCSO H Lalrin­puia chuan, India ram puma ruahmanna siam zûlzuiin online gas refill booking hmang ve turin ruahmanna siam a nih thu a sawi a; online booking ruahmanna hmang ve thei tura inbuatsaih turin kalkhawmte a chah.

H Lalrinpuia chuan, sor­karin gas online book­ing ti tura a tih angin kal­pui a ni dawn tih sawiin, "Home delivery chu bei­sei nghal mai loin, common point delivery hman tura tih a ni. Mipui hnenah a tam thei ang ber consumer hotute leh distributor-te'n online booking inhrilhhriatna neih ni se," a ti.

Meeting-ah hian consumer pawl hruaitu te, tlawmngai pawl aiawhte leh chanchinbumite an tel a; Lunglei SDC Josephine Zonunsangi'n online gas refill booking kalpui dan tur a sawifiah a ni.