Officer-te'n Career Guidance buatsaih

Kolasib Officers’ Club (KOC) chuan nimin khan Diakkawn YMA Hall-ah Career Guidance Programme an buat-saih a, parliamentary secretary (School Educa-tion) Joseph Lalhimpuia'n a hmanpui.

Joseph Lalhimpuia chuan, zirna lamah sor-karin nasa takin hma a la zel a ni tih sawiin, zirlaibu pawh India ram hmun dangte zirlai tlukpuia siam a nih thu a sawi a; zirtirtute recruitment rules pawh mumal taka siam a ni tawh tih sawiin, zirna tihmasawn tura zirtirtu ṭhahnemngai tak tak an awm laia ti ṭha peihlo lo awm ṭhin chu pawi a tih thu a sawi.

Board exam-ah sorkar sikul zinga pass nei lo sikulte chungah sorkar-in hma a la zel dawn tih sawiin Lalhimpuia chuan, "Sorkar sikula zirlai naupang nei tura ṭha-hnemngai lo leh neih loh pawisalo zirtirtute chung-ah dan angin hmalak zel a ni," a ti.

Kolasib Officers’ Club hi Kolasib-a sorkar hnathawk intélkhawm an ni a, kum 2015 aṭangin career guidance prog-ramme buatsaihin, Kolasib khawpui chhunga high school leh higher secondary school-ah hun an hmang ṭhin a ni.