MIFCO hmalakna sawiho

MIFCO Board of Directors chu nimin khan NLUP Conference Hall-ah an ṭhukhawm a, an chairman PC Zoram Sang-liana, MLA-in kaihruai-in, MIFCO hnathawhna hrang hrang leh hmachhawp la awmte bawhzui dan tur an sawiho.

MIFCO BoD meeting chuan, MIFCO thil siam chhuahte chak zawka hralh a nih theih nan local market partner neih te, state páwnah theitui chak zawka hralhna tur ngaihtuah te, Bung Bangla-a MIFCO ran talhna chak zawka kalpui dante an sawiho a; Sairanga Food Processing Plant-a mineral water siamna khawl bun tur chu kumin sorkar kum chhung ngeia tihpuitlin dan tur an sawiho bawk.