MPC-te CM thu thlenah an lawm

MPC party chuan thuchhuah siamin, tun hnaia New Delhi-a chief minister Lal Thanhawla'n kawlphetha hnianghnâra Mizoramin a neih theih nana hma la tura a ngenna, Union Power minister Piyush Goyal-a'n ngai pawi-mawha AK Verma kaih-hruai high level delegation team a rawn tír chu lawm-awm an tih thu an tarlang.

MPC chuan, CM Lal Thanhawla'n kawlphetha chungchang Piyush Goyal hnena a thlen chu lawmawm an tih thu an sawi rualin, "High level delegation team hmanga min rawn hutchilh tawh laia kan ram mamawh pui ber hydro electric power hnianghnâr zawka kan neih theihna tur rua-hmanna kan sor-karin a nei lo erawh chànna lian takah kan ngai a, pawi kan ti tak zet a ni," an ti.