Darlawnah PMAY social audit nei

Light for Comprehensive Development chuan UDPA hnuaiah nimin khan Darlawn community hall-ah in sak ṭanpuina, PMAY Housing for All ṭanpuina, 1st instalment dawng tawh zinga mi 318-te social audit an neihpui.

Social audit-ah hian in sak ṭanpuina an dawn tawh aṭanga harsatna an neih leh neih lohte sawiho a ni a; PMAY nodal department UDPA-in an vil ṭhat leh ṭhat loh te, VC-in an enpui leh enpui loh te, in sakna tur sum dawngtute‘n dik taka hman a nih leh nih lohte enfiah a ni.