Faina hnatlang buatsaih

DDK, Aizawl leh Association for Environ­mental Preser­vation ṭang ­kawp chuan nimin khan Bawngkawn leh Durtlang Leitan inkarah faina hnatlang an buatsaih a, bialtu councillor Zo­muanpuii'n a hmanpui.

Leitana inkhawm tawi buatsaihah Zomuanpuii chuan, "Hetianga DDK leh ASEP ten fai­na hna­­­tlang ka ward en­kawl chhungah an nei hi lawmawm ka ti hle. Bawngkawn aṭanga Dur­­tlang inkar kawng hi Aizawl kawtchhuah kawng pawimawh leh khawpui hmel lanna hmasa a nih avangin fai taka enkawl hi a pawi­mawh tak zet a. Hei hian mi dangte thinlungah pawh rah ṭha a chhuah ngei ang tih ka ring tlat a ni,” a ti.

Hnatlangah hian DDK Programme Staff Welfare Committee member leh ASEP member mi 50 vel an thawk chhuak a ni.