MZU under graduate result a chhuak

Mizoram University (MZU) chuan June 29, Ningani zan khan under graduate -a semester hrang hrang result kimchang a tichhuak. Kuminah hian MZU aṭangin graduate thar mi 2,610 an awm.

MZU Examinations depart-ment chuan second semester, fourth semester leh sixth semester result hi June 28, 2017 khan a lo tichhuak tawh a, mahse, harsatna an neih avangin result bu erawh an tichhuak nghal thei lo a, June 29 zan khan an tichhuak ta a ni.

Tun ṭuma MZU result chhuakah hian 6th. semester (final year) zingah kum 2014 batch leh kum 2012 leh 2013 repeater an awm a; zirlai exam 4,155 zinga 2,610 pass in, pass percentage chu 62.81 a ni.

B.A-ah exam beitu zirlai 3,385 an awm a, chu'ng zinga 2,132 chu pass in, pass percent-age chu 82.98 a ni. B.Sc.-ah candidate 508 zinga 272 (53.54%) an pass a; B.Com-ah candidate 234 zinga 197 (84.18%) pass in, B.Sc. (Home Science)-ah candidate 28 zinga pakua (32.14%) an pass bawk.

B.A-ah Pachhunga Univer-sity College (PUC) zirlai Lal-

mawizuali, History depart-ment chu gold medalist (stream pakhata mark hmu sang ber) a ni a; B.Sc.-ah PUC zirlai tho, Vanlalhriatsaka, Statistics chu gold medalist a ni. B.Com.-ah Dominic Vanlalruata, Hrangbana College chu gold medalist a ni a, B.Sc. (Home Science)-ah Zothanpuii Pautu, Zirtiri Residential Science College chu gold medalist a ni.

Second semester-ah chuan zirlai exam 7,156 zinga 3,785 an pass a, pass percentage chu 52.89 a ni. Fourth semester-ah exam hmachhawntu zirlai 5,176 an awm a, zirlai 3,637 pass in, pass percentage chu 70.26 a ni.

2nd semester B.A-ah zirlai 6,098 zinga 3,149 (52.07%), B.Sc.-ah zirlai exam 715 zinga 352 (49.23%), B.Com-ah zirlai 361 zinga 266 (73.68%) leh B.Sc. (Home Science)-ah zirlai exam 33 zinga 18 (54.55%) an pass.

4th. semester-ah chuan B.A-ah zirlai exam 4,206 zinga 3,021 (71.82%), B.Sc.-ah zirlai 634 zinga 378 (59.62%), B.Com-ah zirlai 313 zinga 225 (71.88%) leh B.Sc. (Home Science)-ah zirlai exam 23 zinga 13 (56.52%) an pass a ni.