Central YMA-in HSS 14-ah Education campaign nei tawh

Mizo ṭhalaite Central service-ah an luh tam theih nan, Central YMA chuan tun hnai khan Aizawla higher secondary school 14-ah education campaign an nei tawh a, neih zel an la tum.

CYMA education campaign hi kum 2016-a YMA Rorel Inkhawm-in, 'Central service-ah Mizote tam zawk an luh theih nan CYMA-in hma la rawh se,' tih bawhzuina a ni a; campaign hi June 19, 2017 khan ṭanin, June 27 thleng khan Aizawla HSS 14-ah an buatsaih tawh a ni.

Education campaign an neih tawhna sikulte chu - JL HSS, Chaltlang HSS, Central HSS, Mamawii HSS, Mizo HSS, Republic HSS, Zemabawk HSS, Durtlang HSS, Public HSS (Ramhlun Venglai), Helen Lowry HSS, St. Paul's HSS, KM HSS, Modern HSS leh Synod HSS-te a ni.

CYMA president Lalbiakzuala chuan, education campaign chu Aizawla sorkar HSS leh kohhran HSS-ah an nei kim tawh tih Vanglaini a hrilh a, "Kan kal tawh-naah ṭha takin min lo dawngsawng ṭhin a, kan lawm hle," a ti a; cam-paign-ah hian CYMA hruaitute leh Education Sub-Committee member-te an kal ṭhin tih a sawi.

Lalbiakzuala chuan, education campaign hi Aizawla college zawng zawngah leh high school hrang hrangah neih leh an la tum tih a sawi a; Aizawl khawpui páwn lamah campaign an neih dawn leh dawn loh zawhna chhangin, Education Cub-Committee ruahman dan ang zela an kal tur thu a sawi bawk.