Theihtawp chhuaha ruihhlo do turin Sorkar a inbuatsaih - END Minister

Excise & Narcotics depart­ment leh Social Welfare changtu minister Dr K Beichhua chuan, theihtawp chhuaha ruihhlo do turin Mizoram sorkar a inbuatsaih mek thu a sawi.

Noaatla khuaa Eklavya Model Residential School sak mek a tlawhnaa khaw mipuite nen an inkawmnaah Dr K Beichhua chuan, "Ruihhlo donaah Mizoram sorkar chu theihtawp chhuah tumin a inbuatsaih mek. Chief Minister kaihhruaina hnuaiah core committee din a ni tawh a, ka kaihhruaina hnuaiah working committee din niin, district leh local/village level-ah pawh NGO leh VC-te kaihhruaina hnuaiah commitee din a ni dawn," a ti.

Dr K Beichhua hian nimin vêk khan Siaha Youth Centre, Siahatla-a mi a tlawh a; ṭhat lai huna hnathawh chhin­chhiah tlak nei lo chu mi khawngaihthlak an nih thu sawiin, tumruhna leh taimakna nen mahni hmazawna mawh­phurhna awmte hlen zel thei turin ṭhalaite a chah a ni.