Police-in puak thei thil man

Serchhip police-te chuan August 10, Nilaini zing khan TATA Intra MZ-07-8501 aṭangin puak thei thil eng emaw zat an man a, lirtheia chuangte pawh an man nghal.

Serchhip Sai-liamkawn checkpost-a police duty-te chuan Nilaini zing dar 1:30 velah Aizawl lam aṭanga gate paltlang tum TATA Intra motor an lo enfiah a, gelatine (neo gel) 90, class 2 CAT-ZZ 7,800, detonator 4,063 leh safety fuse meter 700 an man a ni.

Lirthei hi Sanglianthanga (27), Thaltlang, Lawngtlai district khalh a ni a, Pasuia (45) leh Vanchungnunga (35), Myanmar ve ve an chuang bawk a; an pathum hian Serchhip Police Station-ah lâk nghal niin, Explosive Act leh Foreigner Act hnuaiah thubuai siamsak an ni.