Mamit Bawrhsap thupek ZPM Ṭhalaiin an thláwp

ZPM Ṭhalai chuan thuchhuah siamin, Myanmar aṭanga dan loa Mizorama kuhva lut dan chah a nih theihna tura Mamit Bawrhsapin Mamit district chhungah CrPC 144 tlawhchhana kuhva ro phurh luh khapna thupek a chhuah chu lawmawm an tih thu leh an thlàwp thu an tarlang.

ZPM ṭhalaite chuan, dan loa sumdawnna avanga Mizorama kut hnathawktu, a bikin kuhva chíngtute'n harsatna an tâwk ṭhin chu pawi an tih thu sawiin, "Kut hnathawktute chawi sàn duhtu kan nih avangin kut hnathawktute thlavâng hauhna tur dan leh thupek hi engtik lai pawhin kan thláwp zel dawn a ni," an ti.

Dan leh thupek dik taka kenkawhna kawngah thuneitute leh dan leh thupek kengkawhtute kut phuar lo turin MNF sorkar an phût tih sawiin ZPM Ṭhalai chuan, dan leh thupek rahbeh a nihna hmunah na taka hma an lak zel dawn thu an tarlang a ni.