International Tourism Mart sawiho

Chief minister Zoramthanga hoin nimin khan November 2-4, 2022 chhunga Mizoramin International Tourism Mart 2022 a thlen turah Organising Committee an ṭhukhawm.

Zoramthanga chuan, Ministry of Tourism leh Mizoram Tourism department-in International Tourism Mart an buatsaih tur chu khualzinte hìpna atana pawimawh a nih thu sawiin, "A hlawhtlin nan sorkar hmalakna chauh ni lo, mipui ṭawiawmna a pawimawh tak zet," a ti a; Mizoram tourism industry atan a pawimawh thu leh hun chhinchhiah tlak a nih thu a sawi.

Ṭhutkhawmah hian Tourism minister Robert Romawia Royte bakah, sorkar leh pawl hruaitute an tel a; Chief Minister remtihnain a ṭul anga sum hman lailâwk ni se, an ti. Sum sênte chu Tourism Ministry aṭangin hmuh lêt (reimbursement) leh theih tur a ni.

International Tourism Mart atana Mizoram sorkar inbuatsaihnaah sub-committee 12 a awm a ni.