IKK inzawmkhawm nan ṭan la

Isua Krista Kohhran (IKK)-a pawl pahnih, chhinchhiahna atana kraws sen leh var hmangtute inzawmkhawm lehna atan IKK ṭhalaite chuan hma an la a; a huhoa inkhawmpui hmang turin an inbuatsaih mek.

IKK pawl pahnihte inzawmkhawm lehna tura hmalakna chi khat atan Aizawla IKK, kraws sen leh kraws var hmangtute chuan Inrinni khan a huhoin blood donation camp an buatsaih a, thisen unit 112 an pe a ni. General Conference hlabu pawh a huhoa siam an tum a, khaw hrang hrangah bial ṭhalai inkhawmpui pawh a huhoin an lo hmang tawh a, August 11-13, 2017 khian Reiekah Joint Revival Inkhawmpui hman an tum bawk.

IKK kohhran pahnihte an inzawmkhawm leh theihna atan ṭawngṭaipui tur-in Mizoram mipui an sáwm bawk a ni.