Remna Ni hman danah ZNP lawm

ZNP chuan thuchhuah siamin, kumina Remna Ni hman dan chu lawm-awm an tih thu an tarlang a, "Political party hrang hrangte’n rilru thianghlim tak pûin, party politics inchirhthehna ang chi awm loa Zoram pumah kan hmang nia lang hi lawmawm kan ti hle a ni," an ti.

ZNP chuan, hun kal tawha Remna Ni hman danah ṭhangtharte’n thu dik an hriat theih lohna tur khawpin politician ṭhenkhatte’n politics tui nû inchirhthehna ṭawngkam an lo hmang tawh ṭhin tih sawiin, chutiang ni lo a, Zoram mipuiin chawi-mawi tlak an chawimawi mek zel chu lawmawm an tih thu an sawi.

ZNP hian party politics inchirhthehna hnual-suat zel tur leh, chutiang tih chíng politician-te chu hnâwl a, thu dikah erawh huai taka ding tlat turin Mizo mipui an ngen a ni.