AR leh Mizoram Police-ten Ramri-ah AK 56 an man
Farkawna Assam Rifles leh Champhai Police ṭangkawp chuan July 2, Pathianni zing dar 8 vel khan India leh Myanmar inrinaah Myanmar aṭanga silai tawlh rûk tum nia hriat AK-56 rifle leh a magazine panga ve ve an man.
Thu dawn danin, AR leh Police-te hian lui dungah mi pahnih ip ak an hmu a, AR leh Police duty-te an hmuh veleh mi pahnihte chu ramhnuaiah an tlanchhia a, an thil kente chu an tlansan a ni. Ip an kalsanah chuan AK-56 rifle leh a magazine panga ve ve a awm a, Rs. 5,00,000 hùa chhût a ni. Mi pahnihte hi um zui ni mah se, an tlanbo hman a ni.
Silai man chungchangah hian Champhai Police Station-ah thubuai ziah luh a ni.