MPF-a thawhhona thuthlungah MPC President-in hming a ziak

Kum 2018-a Assem­bly inthlan hun atana Mizo People Forum (MPF) leh Mizorama poli­tical party-te'n thawh­hona thuthlung an siam­ah nimin khan MPC president Lalhmangaiha Sailo-in hming a ziak.

MPF leh political party-te'n thawhhona thu­thlung an siam thar hi poli­tical party president ṭheuhin hming an ziah hnan dawn a; chumi ang chuan nimin khan MPF general secretary Rev.Dr R Lalbiakmawia chu MPC pisaah kalin, MPC President-in hming a ziak a ni. Hun remchang dangah political party dang president-te pawh hming la ziahtir leh a ni ang.

MPC party chuan, MPF leh political party-te thawhhona thuthlunga MPC president Lalhma­ngaiha Sailo-in hming a ziak ta chu lawmawm an tih thu an tarlang.