Aizawl DC-in phalna la loa lei laih a khap
Aizawl DC chuan thupek chhuahin, Aizawl district chhunga national highway leh mipui vantlang zawh kawngpuiahte kawngpui sir tawn tawnah phalna la hmasa loa lei laih leh paih a khap.
Aizawl DC chuan, tun hnaiah kawngpui dungah in hmun leh thil dang atana lei laih vanga lei minin kawng a hnawh leh thil a tihchhiat nasat bakah, mihring nunna atan thleng pawha a hlauhawm theih thu a tarlang a, "Kawngpui dunga lei lai duh chuan District Disaster Managment Authority-ah emaw, Saitual leh Sakawrdai tan Sub-Divisional Disaster Managment Authority aṭanga phalna lak hmasak a ngai dawn a ni," a ti.
Thupek hi tihtawp a nih loh chuan chhuah aṭanga thla hnih chhung a awh ang.