MZP-in Labour Court din an duh

MZP hruaitute chuan nimin khan chief minister Lal Thanhawla a pisa-ah an kawm a, Mizorama Labour Court din an duh thu an thlen a, CM chuan hma a lo lak tur thu a hrilh.

MZP tarlan danin, Mizoram hian hnathawk tute humhimna tur leh an hamṭhatna tur ngaihtuahtu tur kan nei ṭha lo hle a, kuthnathawktute thlavang hauhtu tur leh kut hnathawktute chung-chang ngaihtuahtu tur Labour Court hi Mizoram hian kan la neih loh avangin MZP chuan Mizoram-ah hian Labour Court din ve a nih theih nan Chief Minister hnen ah hian thlen a ni.

Mizoram state sorkar-ah hian file paltlang ngai tam lutuk chungchang pawh MZP hruaitute hian Chief Minister hnenah hian an thlen a, "File paltlang ngai tam lutuk hian hnathawh a ti muangin hna a ti chak lo hleah kan ngai. Mizoram sorkara file paltlang ngai tam lutuk hi hmasawnna hnathawh a kal chak zawk theih nan file paltlang ngai tam lutuk hi tihtlem a nih theih nana hma la turin Chief Minister hnenah hian kan thlen a ni," an ti.