GST zirtirna kalpui turin sorkar ngen

MPC party chuan thuchhuah siam-in, India ram pumah Goods and Services Tax (GST) hman a ni ta chu ṭha an tih thu an tarlang a, "GST hman a nih vanga mipuiin harsatna an tawh theih thil tam tak awm thei laka zirtirna leh kaihhruaina mumal tak siama kalpui turin Mizoram sorkar kan ngen a ni," an ti.

MPC chuan, Brig. T Sailo kaihhruai PC sorkarin kum 30 liam taa Assam Rifle sawn chhuahna tura Zokhawsang ram an ruahman tawh, tun thlenga tihhlawhtlin loha la awm chu chak taka bawhzui a, tipuitling ngei turin sorkar an phût a; kumin fûr ruah sûrin hmun hrang hranga chhiatna leh vanduaina a thlente hnena ṭanpuina leh chhawmdawlna pe thuai turin sorkar an phût bawk.

MPC office bearer-te chu nimin khan an president Lalhmangaiha Sailo hoin an pisaah an ṭhukhawm a; kum 2018-a Assembly inthlan awm tura an party-in hma an lak dan turte an thlirho a ni.