KHAWTHLIR

Secretariat khuahkhirh
Mizoram sorkar chuan thuchhuah siamin, Secretariat Complex chu vawnhim a nih theihna atan, thlasikah (October laihâwl leh February laihâwl inkar)-ah zan dar 6 aṭanga zing dar 6 leh, nipui (February laihawl leh October laihawl inkar)-ah zan dar 7 aṭanga zing dar 5 inkarah khuahkhirh a nih thu an tarlang. Khuahkhirhna hi July 1, 2017-ah hman ṭan a ni a, khuakhirh hun chhunga Secretariat Complex-a kal turte chu Security Check Gate-ah in report tur a ni.

Dil theih
Higher & Technical Education (HTE) department chuan thuchhuah siamin, NEET 2017 paltlang tawhte tan Mizoram state quota ni lo, all India 15% common quota chang duhte tan July 3-11, 2017 chhungin online registration, Choice Filling & Indicative Seat hawn a nih dawn thu an tarlang. Hre chiang duh tan HTE (Technical Wing)-ah ngaihven theih a ni.

Ngaihtuah uluk ngai ti
PRISM chuan thu-chhuah siamin, khawtlang inawpna, Panchayati Raj system, Mizorama kalpui tumna awm chu ṭha an tih rualin, ngaihtuah uluk ngai an tih thu an tarlang a, "Panchayati Raj system hi tidanglam loa lak luh ngawt chu ṭha kan ti lo a, Pancha-yati Raj-a awm ve lo village court neih zel kan la duh," an ti.

Lei khi enfiah
Lunglei North bialtu MLA PC Lalthanliana, minister chuan nimin khan Lunglei Zotlanga Tourist Lodge bula lei khi, min hlauhthawnawma awm mek chu a hmunah kalin a enfiah a; Zotlang V/C leh YMA hruaitute nen hmalak dan tur an sawiho.

Graduation Day
Pathianni khan UPC North East India hnuaia Aizawla Pathian thu zirna Oneness Theological Seminary-ah kum 2016 session-a an course zirzo mi 11 te pualin Graduation Day hman a ni a, UPC (NE) general superintendent Rev. Lalmalsawma Sailo-in fuihna thuchah a sawi.