Mizoramah ration card 2,63,192 ; Ration card-ah mi 12,96,558 an awm

Mizoramah November 1, 2016 dinhmun ang chuan, Food, Civil Supplies and Con­sumer Affairs (FCSCA) depart­ment hnuaiah ration card 2,63,192 a awm a, chutah chuan mi 12,96,558 hming a chuang.

Economics & Statistics direc­torate-in Statistical Hand­book 2016 tun hnaia an tihchhuaha a lan danin, Mizo­ram puma ration car 2,63,192 zinga ration card 1,21,485 chu National Food Security Act (NFSA) páwn lama mi a ni a, ration card 1,15,915 chu priority household (PHH) hnuaia mi niin, card 25,792 chu AAY hnuaia mi a ni. PHH leh AAY hi NFSA-in a huam ve ve.

AAY hnuaiah hian ration card 25,792-ah mi 81,997-te hming a chuang a, PHH card 1,15,915-ah hming 5,90,997 hming chuangin, Non-NFSA ration card 1,21,485-ah hming 6,23,564 hming a chuang thung.

Ration card hi Siaha district district-ah tlem berin, card 16,252 a awm a, chutah chuan hming 82,824 a chuang. Aizawl East DCSO hnuaiah ration card a tam ber a, card 50,513 awmin mi 2,59,015 an awm.

Mizoram pumah kum 2016 khan buhfai zawrhna fair price shop (FPS) 1,827 a awm a, kum 2015-ah FPS 1,220 awmin, kum 2015 aia kum 2016-a FPS tamna chu 650 a ni.

Kum 2016-a district tina FPS awm zat chu - Aizawl district-ah 488, Lunglei district-ah 324, Siaha district-ah 172, Champhai district-ah 303, Kolasib district-ah 116, Serchhip district-ah 152, Lawngtlai district-ah 158 leh Mamit district-ah 159 a ni.

Kum 2016 chhung vek khan, November 1, 2016 dinhmun ang chuan, Mizoram pumah sorkar subsidy rate-in thla khatah buhfai quintal 1,22,028.91 sem a ni a; Non-NFSA hnuaiah qtl. 53,485.58, PHH hnuaiah qtl. 47,066.42, AAY hnuaiah qtl. 8,995.35 leh midday meal-ah qtl. 2,948.76 sem a ni.