Serchhipah health awareness

Serchhip district Swachh Bharat Mission (Gramin) leh PHE depart­ment chuan nimin khan New Serchhip YMA Hall-ah Serchhipa PHE depart­ment-a thawkte tan Public Health Awareness Day 2017 an hmang a, Ser­chhip MJA president C Lal­­hminghlua khuallian a ni.

C Lalhminghlua chuan, PHE department chu Health department thlen hmaa mipuite hriselna enkawltu an ni tih sawiin, "Damlohna hrang hrang laka mipui vengtu an ni a, an mawhphurhna a pawimawh hle a ni," a ti a; mipui hnena tui thianghlim ṭha taka pe tura an hnathawhte mipuiin an hriat tâwk loh fo avangin, a puanzar kawngah thuthar theh­darhtute hmang ṭangkai thiam turin a chah.

PHE executive engi­neer F Lalsanglura pawhin thu sawiin, open defeca­tion free (ODF)-a Serchhip district puang turin state level committee endik chiah hmabak a nih tawh thu a sawi.