Kolasib Mipui Aw ṭhukhawm

Kolasib mipuiin sorkar department hrang hranga lungawi lohna leh hriatthiam loh an neihte an thlen a, an zawh theihna tur ‘Kolasib Mipui Aw’ chu a nimin khan Kolasib DC Dr Arun T hoin DC conference hall-ah an ṭhu.

Dr Arun T chuan, Kola­sib Mipui Aw chu a vawi khatna a nih avangin hriat­thiam a la harsat tur thu leh, thla hnih/thum hnuah chuan a awmzia leh a hlutna pawh mipuiin an hriatthiam a rin thu a sawi a, "Kolasib Mipui Aw hi mipuiin awlsam taka office-a thil hriatthiam loh an neih leh an lungawi lonate an thlenna tur a ni a, office tina phone leh mimal anga harsatna an thlen piah lama hmalakna a ni. Thla tin Thawhlehni hmasa berah ṭhutkhawm ziah tum a ni," a ti.

Meeting-ah hian sorkar department hrang hrang hotute an tel a; mipuiin zawhna an neih leh hriatthiam loh an neihte an chháng a ni.