Khawthlang kawng siam turin sorkar phût

Hachhek Constituency Development Committee (HCDC) hruaitute chuan Thwhṭanni khan PWD superintending engineer (Western Circle) an hmu a; Bairabi - Zamuang kawng chhe lutuk siam ṭhat thuai a nih theih nan leh Bairabi Tlawng lei panna kawng chak zawka siam turin an ngen.

HCDC chuan, Bairabi - Zamuang kawng chu Hachhek bial mipui châkkhai lakna kawng pawimawh a ni tih sawiin, "Tunah hian a chhe em em a, kawng tla balte pawh hmun tam takah a awm avangin a rang lama min siamsak turin PWD thuneitute kan ngen a ni," an ti.

PWD hotute an hmuhnaah, PWD hotute'n kawng siamna tur sum an dil a, an hmuh loh thu an lo hrilh niin an sawi a; khawthlang mipuite châk lakna, Aizawl leh Bairabi an kalna kawng ber chhe taka a awm chunga a siamna tur sum sorkarin a pe lo chu mak an tih thu an tarlang.

HCDC chuan, Bairabi - Zamuang kawng chu a rang lama siam turin thuneitute an phût a, "Mipui mamawhna a san tawh avangin, an siam vat lo a nih chuan a ṭul angin hma kan la zel dawn a ni," an ti.