Zirna hmasawn dan tur sawiho

Champhai District Education Committee chu nimin khan Champhai DC Vanlalngaihsaka hoin DC conference hall-ah an ṭhukhawm a; an district-a zirnain hma a sawn theih dan tur an sawiho.

Meeting-ah hian, zirlai mamawh bikte tana mi 50 len theihna residential hostel, Champhaiah din a nih dan te, Khawzawlah naupang sikul kai lote tan Special Training from Mainstreaming of Out of School Children kalpui dan te, sikul kai rual naupang sikul kai lote zawn chhuah beihpui thlak dan te, zirlai naupang tinte dinhmun dik tak chhinchhiahna UDISE & SDMIS (Bio-data) siam dante leh zirna tihchangtlunna tura hmalakna thar Shaala Siddhi kalpui dante tarlan a ni.

Kum 2017-18 chhunga Champhai district chhung zirnain kawng hrang hrang (access, retention, enhancing quality, school annual grant, social category, school infrastructure leh project management cost) tihphuisuina tur, Annual Work Plan & Budget cheng nuai 2305.264 hmuh a nih thu tarlan a ni.

Midday meal bikah zirna-in 268-a zirlai 15,747-te chawchhûn tur leh chaw chhumtu mi 542-te hlawh atana senso chu cheng nuai 295.94 chuang a nih thu tarlan a ni bawk.