ST Girls Hostel building hawng

KVI Complex, Zemabawka ST Girls Hostel building sak thar chu nimin khan parliamentary secretary (Social Welfare) K Lalrinthanga'n a hawng. Building hawn tâk sak nan cheng nuai 364.41 hman a ni a, sorkar laipuiin a tum vek a ni.

K Lalrinthanga chuan, mi tam takin eizawnna ngêlnghet an neih theihna tura training-na hmun MDTC KVI Complex-ah hmeichhia, hmun dang aṭanga training-te awmna tur hostel sak a ni chu lawmawm a tih thu a sawi a, "Training turte pawhin sorkar hmalakna nena inmil, nakkin zela eizawnna atana hman tlak tur thiamthil an thlan thiam a pawimawh a ni," a ti.

ST Girls Hostel building hi sq.metre 894.5-a zau niin, chhawng li a ni a, dormitory pali awmin, khum 52 leng tura ruahman a ni.