Vawiinah MHIP Day hman a ni dawn

Vawiin, July 6 hi Mizo Hmeichhe Insuih­khawm Pawl (MHIP) din champha, MHIP Day vawi 43-na a ni a, Mizo­ram chhung leh páwna MHIP branch hrang hrangte'n an lawm dawn.

MHIP Gen. Hqrs. chuan thuchhuah siamin, MHIP member zawng zawngte MHIP Day chibai an bûk tih an tarlang a, "Hlim taka hmang turin duhsakna kan hlan a, kan motto, ‘Mite ṭanpui’ a nih anga mi dangte tana malsawmna ni turin branch tinte kan ngen a ni," an ti.

MHIP Day lawmna hi MHIP Gen. Hqrs. hruaitute chuan branch hrang hrangah an hman­pui dawn a; persi­dent Saipuii chuan Serchhipah a hmanpui dawn a ni.

MHIP-ah hi July 6, 1974-ah din a ni a; tunah hian sub-headquarters pasarih, block 23, joint 21, branch 744 leh member 2,50,000 vel an nei mek a ni.