Drugs Rules thar duang zo

Drafting Committee on The Mizoram Drugs(Controlled Substances) Rules, 2017 chu nimin khan an chairman, R Lalrinawma, Assembly deputy speaker hoin a pisaah an ṭhukhawm a; Mizoram Drugs (Controlled Substances) Rules, 2017 an thlirho hnuah, Cabinet meeting-a pharh turin an pawm.

Drafting Committee on MDCSR 2017 chuan, Mizoramah drug leh a kaihhnawih ruihhlo hmansual leh dik lo taka sumdawn nana hmang mekte vanga harsatnate chu dan hman mek, Drugs and Cosmetic Act, 1940 te, Narcotics Drugs and Psychotropic Substances Act, 1985 te, Assam Drugs Control Act, 1950 leh a dangte'n a chingfel thei lo tih a tarlang a, "The Mizoram Drugs(Controlled Substances) Rules, 2017 hman a nih chuan damdawi kaihhnawih thila buaina leh dan bawhchhiatnate felfai zawka chinfel a ni ang," an ti.

Committee-ah hian Health Secretary chu member-secretary a ni a, member-te chu - Social Welfare Secretary, Excise & Narcotics Secretary, DIG (CID), Joint Excise Commissioner, Health department Director (Food & Drugs), CID SP leh Social Welfare Consultant-te an ni.