Lirthei tlân phal chin bituk thar

Traffic SP C Lalthanmawia chuan thupek chhuahin, lirthei tlân thei chin bitukna hmun pahnihah lirthei tlan phal chin bithliah thar a nih thu a tarlang.

Traffic SP tarlan danin, Chanmari leh Ramhlun South inkara PL Chhuma building kawt kawngpui a khîk vanga 407 truck leh a aia liante tlan tlang phal lohna thupek chhuah tawh chu PWD hotute thurâwn angin sût a ni a, lirthei liante pawh vawiin, July 6 aṭangin an tlan thei tawh dawn.

Upper Khatla, Bible House bula two wheeler chauh tlan tlang phal ṭhin pawh PWD hotute thurâwn angin, a enchhin nan July 10, 2017 aṭangin 407 truck aia tê lirtheite Sikulpuikawn lam aṭanga Raj Bhavan lam pana tlan phal a ni ang.