KHAWTHLIR

Secretary thar
Esther Lalruatkimi, IRS, 1991 batch chu Mizoram sorkarah commissioner & secretary-a awm tura tih a ni. Hemi chungchanga hriattirna hi June 29, 2017 khan tihchhuah a ni a, School Education department chang tura tih a ni.

Sangha chhuah
Champhai Vengthlang Branch KṬP chuan an branch diamond jubilee lawmna chi khat atan ni 60 chhung mi dangte tana inpekna hun an kalpui mekah, nimin khan Zote kàiah leh Tlangsam kàiah sangha no an chhuah. Sangha no hi an leader Lalnunsanga Fanai-in a chhuah hmasa a, a hnuah member-te'n an chhuah chhunzawm ve leh a ni.

Corporate interaction
ICFAI University, Mizoram chuan nimin khan Grand Hotel, Aizawlah an zirlai kumina management zir chhuakte pualin company hrang hrangte nena inkawmna hun (corporate interaction programme) an buatsaih a, vice chancellor Lt.Gen.Dr AK Misra-a'n a hmanpui. He hnah hian company hrang hrang - Renault, Tata Motors, Catalyst Solutions, India InfoLine, Lushai Media, Suzuki, NECS, HDFC Bank leh Esquire Hotel aiawhte an kal a, zirlaite placement interview an neihpui nghal a ni.

Tanpui dawn
Shillong Mizo YMA South Branch hruaitute July 4, 2017 zana Mizoram House-a ṭhukhawm chuan, Mizorama tui lian leh lei min tuarte ṭanpui nan concert buatsaih an rel a; a, concert kaltlanga an sum hmuh chhuahte chu Central YMA kutah sem darh turin an pe chhawng dawn a ni.

NREGA training
MGNREGA hnuaia chhawr tur barefoot technician (BFT) batch hmasa berte tan nimin khan SIRDPR, Durtlang Leitanah training buatsaih a ni. BFT hi mi 34 an ni a, MGNREGA beneficiary chhungkua
aṭanga thlan niin, MGNREGA hnuaia hnathawh leh hmalakna hrang hrang te an vil dawn a ni.