Scholarship tur sawi chhuak
Mizoram Scholarship Board (MSB) secretary JH Zoremthanga chuan, July 4, Thawhlehni khan North Eastern Council (NEC) hotute an pisaah a hmu a; kum 2016-17 atana technical leh professional course zirlaite scholarship tur cheng nuai 27 a sawi chhuak.
Vanglaini palai zawhna chhanga JH Zoremthanga sawi danin, technical leh professional course zirlaite scholarship la thei tur hian sorkar hna thawk leh thawk lo pawh, kum khata Rs. 4,50,000 aia tam lo la lut fate a huam a, tunah hian Mizoram aṭangin zirlai 260 vel an awm mek.
Scholarship hi technical leh professional course zirlaite tana tih ni mah se, a dil thei chinte chu zirlaia 60% hmu chin an ni. Technical leh professional zirlai, scholarship diltu zingah hian engineer, MBSS, BVSC, B.Sc (Agri), BDS, BE, architechture te chu zirna sang lam an ni a, a hnuaiah category hrang hrangah zirlai an awm nual a ni.