Mobile phone subscriber 10,28,076

Mizoramah March 31, 2016 thleng khan mobile phone subcriber 10,28,076 an awm a, kum hnih chhungin 39,250-in an pun belh. Airtel chu subscriber ngah ber an ni.

Mizoram Statistical Handbook 2016-a tarlan danin, March 31, 2014 khan Mizoramah mobile phone subcriber mi 9,88,828 an awm a; chumi hnu kum hnihna chiah, March 31, 2016-ah subscriber 10,28,078 an awm a, kum hnih chhung­in subscriber 39,250-in an pung tihna a ni.

March 31, 2016-a Mizorama mobile phone service provider-te'n subcriber an neih dan chu - a nei tam ber Airtel-in 3,92,559, Mizorama mobile phone service pe chhuak hmasa ber BSNL-in 1,71,974, Aircel-in 2,56,654, Vodafone-in 1,64,359 leh Idea-in 42,530 a ni a; Reliance-in subcriber an neih zat tarlan a ni lo.

Kum 2011 chhiarpui­ah Mizoramah mihring 10,97,206 an awm a; mihring zat aia mobile phone subcriber zat tlemna hi 69,128 a ni.