Champhaiah special drive atan inbuatsaih

Election Commission of India thupek anga kum 18-21 inkar electoral roll-a thun luh rûnpui neih tur atana inbuatsaihna atan nimin khan Champhai College leh Einstein Higher Secondary School-ah 'SVEEP Special Drive 2017 Awareness Campaign' buatsaih a ni.

Champhai DC Vanlalngaihsaka chuan vote thlak pawimawhna sawiin, "Democracy rama khua leh tui ṭha ni tur chuan vote thlak hi tihmâkmawh a ni. Vote thlak hi kan chanvo a nih mai bakah kan tih tur a ni," a ti a; India khua leh tui dik tak, danin a phalsak bawk site chu electoral roll-a inziah luhtir vek turin kalkhawmte a ngen.

Champhaia election officer Lalremruata Kullai-in SVEEP Special Drive, 2017 chungchang a lem nen a sawifiah. Zirlai naupang, kum 18 tling tawh vote la nei lote chu electoral roll-a an hming a tel theih nan form fill-up tura ngen leh hriattir nghal an ni.