Lo neitute lakluh tihpun dan tur sawiho

Mamit District Level Coordination Committee (DLCC) on Doubling Farmer’s Income Programme 2022 chu July 5, Nilaini khan Mamit DC Lalbiaksangi kaihruaina hnuaiah DC conference hall-ah an ṭhukhawm.

Meeting-ah hian Committee member-secretary Vanlalhruaia'n programme kalphung a sawifiah a; Doubling Farmer’s Income Programme hnuaiah model village-ah Rulpuihlim khua thlan a nih thu sawiin, kum 2022-ah Rulpuihlim khuaa chhungkuate sum lak luh chu tuna an lak luh lêta tam a nih theih nana hma lakpui turin line department-te a sáwm.

Model village atana thlan Rulpuihlim khuaah hian training hmang te, input leh project convergence hmangte'n Krishi Vigyan Kendra (KVK), Mamit district leh sorkar department hrang hrangte'n hma an la dawn a ni.