CADC-ah floor test duh lo

BJP, Mizoram Pra-desh chuan thuchhuah siamin, Chakma Autonomous District Council (CADC) sorkar ṭhiah a nih hnua Governor-in floor test nei tura thupek a chhuah chu an duh loh thu an tarlang.

BJP chuan, CADC sorkar thil tih dik lo zawng zawngte hrilh a nih hnu a, inthlan ṭhat rawt loa floor test nei tura Governor-in order a chhuah chu mak an tih thu an sawi a, "Hei hi democracy palzûtna lian takah kan ngai. Governor zah-awm tak hi a order siam sa sût a, CADC sorkar ṭhiat a, inthlan ṭhat buatsaih ngei a nih theih nana rang taka hma la turin kan phût a ni," an ti.

An thil phût chung­chang hi BJP chuan Governor Lt.Gen. Nirbhay Sharma hnenah ziakin an thlen a ni.