RAD hmang ṭangkai mek

Sorkar laipui programme pakhat, Rainfed Area Development (RAD) chu Lunglei district-a khaw pasarihah kalpui a ni tawh a, khaw paliin ṭangkai takin an hmang mek.

RAD hi kut hna-thawktute'n an eizawnna pui ber piah lama sum an deh chhuahna tur leh an hnathawh pui thei tura hmalakna atan sorkar laipuiin a duan a ni a, Mizorama nodal department chu Agriculture department a ni.

Lunglei aṭanga thu dawn danin, RAD hi Lunglei district-ah chuan kum 2014-ah kalpui ṭan a ni a, an district chhunga khaw pasariha kalpui tawhah khaw pali-in an chhawr ṭangkai mek a; khaw pa-thum dang - Chhipphir, Dinosora leh Hnahthialahte kut hnathawktu mi 255-in bul an ṭan mek bawk.

RAD scheme hnuaiah hian sangha khawi, horticulture thlai chìn, khuai khawi, tui dahkhâwlna siam leh repair bakah, leiṭha siamte a tel a ni.