KHAWTHLIR

Navy la dawn
Ministry of Defence (Navy) chuan October 28, 2017 khian Aizawlah navy sailor (SSR) lakna recruitment rally an rawn nei dawn a, written/PFT/medical exam chu October 28-ah buatsaih a ni ang. Hre chiang duhte chuan Sainik Welfare & Resettlement Director-ah pisa hun chhungin zawhfiah thei a ni.

MLA-in tlawh
Kolasib bialtu MLA PC Zoram Sangliana chuan Nilaini khan a bial chhung Bairabi Chhimvenga Tlawng lui lian vanga lei minna hmunte a tlawh a, ṭanpuina awm thei ang apiang ngaihven a tum thu a sawi. PC Zoram Sangliana hian Bairabi Dinthar leh Zophaia chhungkaw pathum hnenah home solar light pakhat ṭheuh a pe nghal a ni.

Tanpuina hlan
St. Pauls High School-a 1991 batch-te chuan nimin khan Sairang leh Sairang Dinthara tui lian tuar chhungkaw 10 hnenah ṭanpuina an hlan. Ṭanpuina hi Sairangah chhungkaw pahnih leh Sairang Dintharah chhungkaw pariat hnenah Rs. 5,000 ṭheuh an hlan a ni.

MPCY-in enfiah
MPC ṭhalaite chuan nimin khan Tanhrila FCI kudam an tlawh a, kudama buhfai phur truck-te'n Mizoram University-a kalte leh mipuia harsatna a thlen dan an enfiah. MZU JAC hruaitu Dr Zirnunsanga leh Mizoram Truck Owners Association hruaitute an kâwm nghal bawk.

Thisen pe
Seling Branch YMA chuan an din champha vawi 43-na pualin nimin khan Seling YMA Rûnah thisen pek rûnpui an huaihawt a, Synod Hospital tan mipa 41 leh hmeichhia pakhatin thisen unit 42 an pe.

Sumdawnna sawiho
Champhai MZP-te bultuminYMA, MUP, MHIP leh sumdawng pawl hruaitute chuan nimin khan Champhaia sumdawnna chungchang an sawiho a, Champhaiah Mizo chauh an sumdawn theihna atan hmalak zel an rel a, "Champhaia sumdawnna Mizo ngeiten vawiina an la kenkawh zel theihnana tlawmgai pawlte leh kan mi hmasate hma lolak tawhna i vawng nung zel ang u," an ti.